Груевски: Гласот даден за малите коалиции е глас за Заев и СДСМ
Ова се избори на кои граѓаните имаат две алтернативи - СДСМ и коалицијата со нивните деструктивни политики, договарање со разноразни криминално-разузнавачки структури, пазарење со државните и националните интереси и давање нереални ветувања на граѓаните. Имате и втора алтернатива, а тоа е ВМРО-ДПМНЕ и коалицијата „За подобра Македонија“ - со се она што правевме и што ќе го правиме, им порача лидерот на ВМРО-ДПМНЕ Никола Груевски на жителите на струмичко Вељуса.
Посочи дека со добро обмислена и реална програма излегува во пресрет на најприоритетните барања на граѓаните и дека ВМРО ДПМНЕ е партија која секогаш исполнувала и повеќе од ветеното. За малите партии и малите коалиции рече дека се наменски направени од Зоран Заев, како што рече, „истиот сценарист што ни го прави ова во изминатите две и пол години“.
- Нивната цел е да одземат гласови од ВМРО-ДПМНЕ, да го ослабнат и со тоа да ја зајакнат позицијата на СДСМ. Секој што гласа за помалите партии и коалиции треба да знае дека не само што нема да имаат пратеник и потоа ќе ги снема, треба да знае дека гласа за Зоран Заев и за СДСМ кои овие две и пол години ги прават сите манипулации и хаос, зацртале цели да се витка кичмата, да се воведува двојазичност на цела територија, да се менува Уставот, да се прават кантони. Не ни требаат такви работи. Затоа на овие избори и Заев, и неговите сценаристи, и оние помалите коалиции треба да претрпат историски најголем пораз и да види сценаристот дека во оваа држава има мудар народ, рече Груевски.
Додаде дека Заев си го потценил народот, но дека народот знае се, го дигнал гласот, а тој глас, рече Груевски, ќе се чуе во недела со масовна поддршка за ВМРО-ДПМНЕ и коалицијата „За подобра Македонија“ и казнување на СДСМ и помалите коалиции.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o