Претседателот Иванов ќе се обрати на 71. Генерално собрание на ОН
Претседателот на Република Македонија Ѓорге Иванов денеска во Њујорк ќе се обрати на генералната дебата на 71. Генерално собрание на Обединетите нации, што се одржува на тема „Одржливи развојни цели: универзален притисок за трансформирање на нашиот свет“.
Иванов е предвидено да говори на попладневната сесија во Њујорк, доцна вечер по македонско време (околу 22:00 - 22:15 часот), соопшти кабинетот на македонскиот претседател.
Меѓу говорниците на сесијата од генералната дебата на 71. Генерално собрание на ОН, на која што ќе настапи македонскиот претседател, се и литванскиот претседател Далиа Грибаускаите, бугарскиот претседател Росен Плевнелиев, грчкиот премиер Алексис Ципрас, српскиот премиер Александар Вучиќ, норвешкиот премиер Ерна Солберг, државниот секретар на Ватикан кардинал Пјетро Паролин.
Во рамки на учеството на 71. Генерално собрание на ОН, претседателот Иванов учествуваше и се обрати на состанокот на високо ниво за големите движења на бегалци и мигранти и имаше повеќе билатерални средби, меѓу кои со претседателите на Европскиот совет, на Полска, на Египет, со јорданскиот крал и со норвешкиот премиер. Македонскиот претседател присуствуваше на приемите што за учесниците на 71. Генерално собрание на ОН ги приредија американскиот претседател Барак Обама и генералниот секретар на ОН Бан Ки-мун каде имаше неформални средби со претседателот на САД, со претседателите на Бугарија и на Чешка, со американскиот државен секретар, генералниот секретар на НАТО, генералниот секретар на ОБСЕ и сопретседателот на 71. Генерално собрание.
За време на собирот на светската организација, претседателот Иванов ќе има билатерална средба со генералниот секретар на Обединетите нации, Бан Ки-мун.
Ново на Сител
-
Приведени двајца скопјани, осомничени за крадење автомобил
-
Заменик-министерот за земјоделство Фљакрон Беџети поднесе неотповиклива оставка
-
Анализа на дописникот на „Скај њуз“ од Москва: Украина и сојузниците ќе бидат разочарани и загрижени за исходот од разговорот меѓу Трамп и Путин
-
Бајден на Х: Ракот сите нè погодува
-
Трамп: Русија и Украина веднаш почнуваат преговори за завршување на војната
-
Путин по разговорот со Трамп: Подготвени сме за работа на меморандум со Украина, вклучувајќи и примирје
-
Папа Лав Четиринаесетти: Момент е за дијалог и градење мостови
-
Венс: Доколку Русија не сака да се вклучи во преговорите, САД ќе мора да кажат дека „ова не е нивна војна“