Во манастирскиот комплекс „Св. Јоаким Осоговски“ одржан првиот научен симпозиум на ЕФТА

Во организација на Универзитетот за аудиовизуелни уметности, Европска Филмска, Театарска и Танцова академија – Скопје, викендов во манастирскиот комплекс „Св. Јоаким Осоговски“ се одржа првиот научен симпозиум на ЕФТА, посветен на Бугарската драма и театарзастапени во Македонија од 1945 година, до денес.

 

- Ние се обидуваме аналитички да ги регистрираме, систематизираме и проучиме, не само хронолошки, туку и на научна основа да проанализираме одредени ситуации за придонесот на Бугарскиот театар во РМ. Тоа значи дека се она што било гостување на некаков театар до Бугарија да се анализира, регистрира и спореди, се што е активност на бугарски деец, режисер, автор, костимограф, сценофра-исто така. Но и да видиме колку Бугарската драматургија била присутна на тлото на Македонија и преку кои автори, информира Гоце Ристовски, автор.

 

Истовремено снимен е и документарен филм за симпозиумот кој ќе послужи како едукативен материјал за студентите.

 

На сесиите свои излагања имаа бројни еминентни имиња од Бугарија и Македонија, меѓу нив Јордан Плевнеш, драмски писател и дипломат, Ристе Стефановски, хроничар и историчар на Македонскиот театар, актерката Милица Стојанова, актерката Снежина Петрова од Бугарија, Христо Бојчев, најзначајниот и најигран Бугарски автор, во над 50 земји во светот, професори од новиот Бугарски универзитет и други.

 

Првиот ден од симпозиумот свое обраќање имаше и амбасадорот на Бугарија во Македонија, Иван Петков.