-->
-->
Со бендот „Биг бенд“ отворен џез викендот во Прилеп
-->
Со избрани и врвни џез изведби, „Биг бендот“ на МРТВ синоќа официјално го отвори петтиот, јубилеен „Џез викенд“ во Прилеп.
Како што е најавено, во трите дена до утревечер, на летната сцена од Центарот за култура „Марко Цепенков“ ќе настапат 10 оркестри со 40- ина врвни џез- музичари од Македонија и од Грција, Хрватска, Србија.
За отворен „Џез викендот“ го прогласи прилепскиот градоначалник Марјан Ристески.
- Посебно задоволство е што овој фестивал си создаде традиција и ја негува џез културата не само во Прилеп, туку и во Македонија, рече Ристески.
Според селекторот Владан Дробицки, Македонија си го трасира патот во џез културата во опкружувањето.
- Има фестивали во регионот со големи буџети, но ние, не се жалиме, туку мислам дека донесовме врвни џез музичари кои значат во џез културат во Регионот, вели Дробицки.
Според Љупчо Мирковски, диригент на „Биг бендот“ на МРТВ кој пет децении ја негува џез музиката, полека се развива џез културата.
- Освен во главниот град, мислам дека и во повеќето градови низ земјава џезот си го зазема своето место, и тоа го забележувам во неколку места каде настапуваме, а уште повеќе се забележува тоа во Прилеп и со посебно задоволство и чес сме на отворањето на овој џез викенд кој слави свој мал јубилеј, вели Мирковски.
Синоќа настапи и фри џез составот „Хашима“ од Србија.
Вечер на програмата се: „Dine Doneff”s Lost Anthropology“ од Грција, потоа експерименталниот состав „Chui“ од Загреб, а во оф- програмата ќе настапи популарниот диџеј Костадин Шурбановски – Шурбе .
Утревечер, 27 август, е последната фестивалска вечер и е резервирана за гостите од Хрватска „Franz Kafka Ensemble“ и за незаменливиот Влатко Стефановски со своето Трио. Во оф-програмата ќе настапи Џенгис Ибрахим со проектот „Hi Cazz 3“.
За сите три дена на петтиот, јубилеен „Џез викенд“ во Прилеп влезот на летната сцена од Центарот за култура „Марко Цепенков“ е бесплатен.
-->
-->
-->
Ново на Сител
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово
-
Премиерот Мицкоски ќе присуствува на официјалното отпочнување на надградба и реконструкција на граничниот премин Деве Баир
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции