Локализиран пожарот во село Пресека, Кочанско
Пожарот, кој доцна синоќа изби во атарот на селото Пресека, Кочанско во планинскиот дел на Осоговијата од рано изутринава е ставен под контрола и е спречено негово ширење кон атарот на селото Истибање, Виничко.
Како што информираат од Кочанската територијална противпожарна единица, синоќа во атарот на село Пресека, во месноста „Русев гроб“ околу 19 часот бил забележан пожар, во кој била зафатена поголема површина нискостеблеста шума и мал дел од шумскиот појас.
На терен интервенирале 15 пожарникари од ТППЕ од Кочани и Виница со пет возила, како и вработени во „Македонски шуми“. Пожарот во раните утрински часови бил локализиран и се оценува дека е оштетена површина од над 10 хектари. Состојбата на терен се уште се контролира, а со навременото гасење на огнот спречено е негово проширување кон селото Истибања.
На локацијата кај село Пресека, според надлежните, често се случуваат пожари, а главен предизвикувач е човечкиот фактор.
Само до 15-ти август екипите на ТППЕ имале вкупно 13 интервенции на пожари, а во најголем број случаи се работи за запалена сува трева и стрништа.
Ново на Сител
-
Штипјанка пронашла делови од човечко тело за кои претпоставува дека се на нејзината мајка
-
Почина маж по пад од дрво, приведена неговата невенчана сопруга
-
АА: Братството со Србија го откри вистинското лице на оваа Влада
-
Ердоган: Нетанјаху ќе биде запрен како Хитлер
-
Царинската управа ќе работи на воспоставување на нов граничен премин Клепало
-
Музиката може да поттикне побрз раст и развој на растенијата
-
Јаневска: До крајот на мандатот услови за едносменска настава во сите училишта и ангажирање на 3000 вишок наставници
-
Фудбалски тим од третата грчка лига останал без опремата додека со траект патувал од Крит за Атина