Стара електрична инсталација причина за пожарот во Струга
Стара електрична инсталација е причина за пожарот во кој во петокот изгореа пет куќи во сокачето „Нико Нестор“ во центарот на Струга.
Портпаролот на СВР Охрид Стефан Димоски потврди дека по спроведената истрага и податоците од терен, првичните информации говорат дека пожарот настанал од дотраената инсталација во една од старите куќи. Штетата, додаде тој, дополнително ќе се утврдува.
Командирот на Територијалната противпожарна единица во Струга Минир Мамуди тврди дека не постои опасност за повторно реактвирање на огнот и оти нивни екипи вршат патролни обиколки по барање на граѓаните.
- Нашата работа е успешно завршена. Доаѓат луѓе од населбата да ни заблагодарат за интервенцијата со која спречивме поголема катастрофа, изјави Мамуди.
Во пожарот целосно изгореа три стари куќи во кои никој не живеел, а опожарени се кровните конструкции на уште две каде живеат луѓе, кои навреме биле извадени. Во гасењето учествуваа екипи на Територијалната пожарна единица во Струга, нивни колеги од Охрид, Јавното комунално претпријатие „Проаква“ од Струга и локалното население. Гасењето одеше отежнато поради тесните улички и збиената архитектура, но и од несовесно паркираните автомобили.
Ново на Сител
-
Клековски: Лекови мора да има и ќе има за сите– имаме решение за проблемите во здравството
-
Истрага за две разбојништва извршени од 25-годишник во Скопје
-
ОН бараат Израел да го прекине „незаконското“ присуство на Западниот Брег и Источен Ерусалим во рок од 12 месеци
-
Најмалку тројца загинати, стотици ранети во нови експлозии во Либан
-
Исчезнато 45-годишно лице со здравствени проблеми од скопска Кисела Вода
-
Ограбена спортска обложувалница во Чаир
-
Драчевчанец споделувал експлицитни содржини од неговата малолетна девојка
-
Малолетник нападнат од повеќе лица во средно училиште во Бутел