Во Кочанско, во полн ек жетвата на јачменот и пченицата

Високите температури и сувото време овозможија жетвата на житните култури во Кочанско да се одвива со зголемен интензитет. Жетвата на јачменот е во поодмината фаза додека на пченицата таа започна деновиве, истакнуваат од Подрачната единица на Министерството за земјоделство, шумарство и водостопанство во Кочани.

- Жетвата на јачменот кој е застапен на површина од 230 ха е реализирана со 80 проценти при што се добиени приноси во рамки на очекувањата од 4.000 до 4500 килограми по хектар. Ова е мошне добра година за јачменот кој одлично роди, истакна Јордан Димитров, раководител на Подрачната единица на Министерството за земјоделство, шумарство и водостопанство во Кочани.

Димитров истакнува дека жетвата на пченицата е веке започната и од насеаните 520 ха се ожнеани 20% од површините.Приносите се движат од 5.000 до 6.000 килограми од хектар што е во рамки на очекувањата.

Што се однесува до откупот и на јачменот и на пченицата засега тој мирува, бидејки земјоделците бараат соодветната цена за килограм пченица да изнесува 12 денари. Во Подрачната единица на Министерството во Кочани засега не е евидентиран откуп на пченица.