Во судири меѓу полицијата и студенти во Чиле 117 приведени и 32 повредени лица
Во Сантјаго избувнаа судири меѓу полицијата и студентите кои бараат бесплатно образование, а притоа се повредени 32 припадници на безбедноста, а 117 лица се приведени.
Илјадници демонстранти во Сантјаго со камења ја гаѓаа полицијата која употреби солзавец и водени топови за да ги разбие демонстрациите.
И покрај полициските блокади, студентите се собраа во самиот центар на Сантијаго, пренесуваат француските медиуми.
Демонстрантите од претседателката Мишел Башеле побараа да го забрза спроведувањето на долго очекуваните реформи, со кои се гарантира универзален пристап до бесплатно високо образование во Чиле.
„Заморени сме од чекање“, пишува на транспарентите на студентите од протестната прошетка.
Младите Чилеанци веќе една деценија бараат промена на системот што датира уште од периодот на диктатурата на Аугусто Пиноче.
Фрустрирани од одложувањето на овие промени, студентите последните неколку дена ги засилија протестите. Во вторникот тие успеаја да го пробијат безбедносниот систем и да влезат во дворот од седиштето на владата. Во последните протести студентите се судрија со полицијата заради што 117 лица се уапсени, а 32 полицајци се повредени.
Портпаролот на студентската организација, Марчело Кореа, ја предупреди владата дека протестите нема да се намалат се додека не им бидат исполнети нивните барања.
- Се повеќе не има и се посилни сме. Доколку не не слушаат, ќе одговориме со сета сила, рече Кореа.
Ново на Сител
-
Неколкумина повредени откако автомобил удри во група луѓе во Штутгарт
-
Затворска казна до три месеци или парична казна од 300 евра за паркирање приколки или кампери на јавни простори во Грција
-
Туристичкиот остров Бали остана без струја
-
Ирскиот регулатор за заштита на податоци го казни ТикТок со 530 милиони евра
-
Грег Попович се повлекува од функцијата тренер на Сан Антонио Спарс
-
Земјотрес од 7,4 степени според Рихтер ја погоди Аргентина, издадено предупредување за цунами
-
Трамп: Планирам да му го укинам на Харвард даночното ослободување
-
Принцот Хари ја изгуби правната битка со британската влада околу полициска заштита