Во Виница одбележана „Музејска ноќ 2016“

 

- Презентацијата  на погребувањата од римскиот период на археолошкиот локалитет Коколов рид кај Виница имаше за цел научната и пошироката јавност да се запознае со добиените резултати од истражувањата на овој локалитет во однос на погребувањата од железното доба, римскиот период и бронзеното доба  со кремирање. Се работи за реконструкција на гроб во кој се пронајдени значајни артефакти за начинот на кремирање во тој временски период, изјави Јулијана Иванова, директор на Археолошкиот музеј „Теракота“ од Виница.

 

Според Иванова,од синоќа во музејот во Виница е поставена нова витрина со 17 нови предмети пронајдени на локалитетот Коколов рид кај Виница, од кои позабележителни се еден голем сад и десетина помали садови, крем,ирани коски на покојник, блегзија и поголем број на гробни прилози.

 

Археолошкиот локалитет Коколов рид првпат е откриен во рекогносцирањата во 1980 година, а со подетални истражувања се започнати во 2011 година.

 

Во рамки на музејската ноќ, во галеријата „Венеција“ во Виница е отворена изложба на ликовниот уметник Бошко Ангеловски од Скопје, кој се претставува со 15 слики работени во масло на платно.