Детската клиника доби најсовремен апарат за неинвазивна механичка вентилација
Апарат Medin-cno за неинвазивна позитивно притисочна вентилација особено кај предвремено родените деца со што се спречува и лекува веќе настанат колапс на белите дробови, доби Универзитетската Клиника за детски болести.
Станува збор за донација од Македонско-австриската бизнис асоцијација. Вредноста на апаратот е околу еден милион денари.
Златко Муцунски од Порше Македонија, кој е во бордот на Македонско-австриската бизнис асоцијација, изјави дека како компании сакаат да придонесат и за доброто на општеството и во рамките на таа општествена одговорност и децата како нејзин најважен дел, се одлучиле на Клиниката да и го подарат апаратот, кој ќе биде потребен во третманот на дечињата со опструкција на бели дробови.
Посочи дека Асоцијацијата е бизнис заедница која ги опфаќа сите австриски компании работат во Македонија.
Тој упати апел до бизнис заедниците и стопанските комори донацијата да биде поттик за нив еден дел од своите средства да го насочат кон спасување на животите на најмладите.
Директорката на Клиниката за детски болести Аспазија Софијанова се заблагодари за донацијата и изјави дека апаратот ќе значи достигнување на сите светски стандарди за третман на предвремено родените деца кои имаат проблеми со белите дробови.
Ново на Сител
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле
-
Арагчи утре во Москва ќе се сретне со Путин
-
Три лица се претставувале како полициски служеници, па едниот од нив физички нападнал возач
-
Штипјанец под присила подигал брзи кредити, го продал својот мобилен телефон и крадел пари од својот татко
-
Министерството за здравство обезбеди 300 паркинг места во Лимак за вработените во Клинички
-
Македонската амбасада во Израел: Евакуација преку воздушен пат засега е невозможна