Меркел не се плаши од распад на владејачката коалиција
Германската канцеларка Ангела Меркел денеска на прес-конференција во Берлин изрази уверување дека владината коалицијата ќе продолжи да функционира, а со оглед и на рејтинзите и да владее со Германија во иднина, јави дописникот на МИА од Берлин.
Иако во редовите на владината коалиција, и од Социјалдемократската партија на Германија (СПД) и од сестринската партија на нејзината Христијанско демократска унија (ЦДУ), баварската Христијанско социјална унија (ЦСУ), имаше остри несогласувања со начинот на кој федералната Влада се справува со бегалците, Меркел е уверена дека и покрај пречките трите партии ќе продолжат со соработката.
- Немам никакви сомнежи дека ќе ја продолжиме соработката, одговори денеска Меркел на прашање дали коалицијата ќе продолжи да функционира.
Според неа, заедничката агенда на членките на коалицијата е јасна, а во нејзиното имлементирање се направени сериозни чекори.
Во исот време, лидерот на ЦСУ, Хорст Зехофер, кој досега беше најголем критичар на политиката кон бегалците, изјави дека нема проблем да соработува и во иднина со канцеларката.
Зехофер потврди дека неговата партија планира да биде дел од коалицијата со ЦДУ во пресрет на федералните парламентарни избори закажани за втората половина на 2017 година.
Ново на Сител
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час