Борче Марковски почесен конзул на Белорусија во Македонија
Борче Марковски, бизнисмен од Битола, е избран за почесен конзул во првиот конзулат на Белорусија во Република Македонија.
Седиштето на Почесниот белоруски конзулат е во Скопје, а на првиот ден од почетокот на работата на конзулатот учествуваа нерезидентниот амбасадор на Белорусија со седиште во Белград задолжен за Србија, Црна Гора и Македонија, Владимир Чушев, заменик министерката во македонската Влада Драгана Кипријановска, амбасадорот на Руската Федерација Олег Шчербак, како и претставници на јавни и приватни институции.
- Во овој важен настан во историјата на билатералните односи меѓу Белорусија и Македонија ќе дадам се што е во моја моќ за развој на белоруско-македонската економска соработка и проширување на деловните контакти. Соработувам со Белорусија, а сега заедно ќе чекориме во зацврстување на партнерските односи и врски, истакна Марковски.
Белорусија има воспоставено дипломатски односи со 174 држави во светот, а за прв пат по 23 години од воспоставувањето на дипломатските односи со Република Македонија, отвори и Почесен конзулат, а седиштето на Амбасадата е во Белград.
Ново на Сител
-
Иран вели дека го задржува правото на каков било одговор на „скандалозните“ американски напади
-
АХВ: Не издаваме никакви HACCP дозволи, туку само ја контролираме работата на операторите со храна
-
Трамп му се закани на Иран со нови напади ако не склучи мир
-
Земјотрес со јачина од 6 степени го погоди брегот на јапонскиот остров Хокаидо
-
Сончево со температура до 34 степени
-
Во Скопје се одржа шестата Парада на гордоста
-
Сиљановска-Давкова прими Американци кои се на аџилак во земјава
-
На Табановце од македонска страна се чека околу 30 минути