Пожарот во Визбегово локализиран, ЦУК бара решавање на проблемот со дивата депонија
Пожарот кај хотелот „Њу стар“ во Визбегово е локализиран, но на терен се останати две екипи на Територијалната противпожарна единица на Град Скопје да дежураат.
Тие денеска интервенирале со седум возила и 20 пожарникари. Од пожарот, како што информира Центарот за управување со кризи, зафатена била површина од 5000м2, жито и еден магацин со градежни материјали, како и дворот од хотелот.
- Денеска, при повторно разгорување, пожарот се прошири до хотелот „Њу Стар“, како и до околните куќи, со што директно беа загрозени животите на граѓаните. Центарот за управување со кризи апелира до сите надлежни институции и локалните самоуправи итно да се вклучат со конкретни чекори и да се стави крај на проблемот со дивите депонии, кои претставуваат непосредна опасност за животната средина и јавното здравје, стои во објавата на ЦУК на Фејсбук.
Оттаму информираа дека директорот на ЦУК, Мухамед Али, утрово испратил ново барање до надлежните институции со цел да се преземат конкретни активности за решавање на проблемот со дивата депонија. Во текот на минатата недела, како што се информираат од ЦУК, тој повеќекратно испратил официјани барања до надлежните институции.
- Проблемот со оваа дива депонија трае подолг временски период и претставува реална закана за здравјето, безбедноста и добробитта на граѓаните, како и сериозна оперативна оптовареност за БППЗ, која често е ангажирана на истата локација, велат од ЦУК.
Ново на Сител
-
Маж од радовишко паднал од трактор и бил прегазен, приведен возачот на тракторот
-
Приведени 12 лица, при претрес на возила пронајдена е дрога
-
Две лица под истрага за грубо насилство во скопско Орешани
-
Кина предлага создавање меѓународна организација за вештачка интелигенција
-
Трамп пристигна во Шкотска, најави средби со Стармер и Фон дер Лајен
-
Во Скопје денеска и утре авионска дезинсекција против возрасни форми на комарци
-
Беровскиот кризен штаб го повика населението доброволно да се вклучи во гаснење на пожарот на планината Готен
-
Камбоџа, пред СБ на ОН, побара итно примирје во конфликтот со Тајланд