Стармер: Примирјето во Украина мора да биде прифатливо за сите, Крим не смее да биде дел од отстапките
Британскиот премиер, Кир Стармер, изјави дека Украина мора да има целосна автономија во одлучувањето за условите на мировниот договор со Русија, отфрлајќи го предлогот на американскиот претседател, Доналд Трамп, за признавање на Крим како руска територија.
- Мора да биде примирје под услови што сите страни можат да ги прифатат, вклучително и Украина. Исто така, мора да биде долгорочно примирје, рече Стармер во интервју за британскиот „Телеграф“.
Премиерот истакна дека Москва мора да се согласи на безусловно примирје и процени дека може да се постигне договор до летото.
- Русија е агресор… Русија мора да седне на преговарачка маса и да се согласи на примирје. Зеленски не е виновен за немањето договор. Русија е таа што изврши инвазија. Украина е таа што одлучува, а не која било друга сила од страна, рече Стармер.
Тој, исто така, повтори дека Велика Британија нема да го поддржи формалното признавање на Крим како руска територија, што, според медиумите, е дел од пакетот за преговори предложен од администрацијата на Трамп.
Наместо тоа, тој повика на одржлив прекин на огнот што нема да дозволи Русија „да ги рестартира конфликтите во иднина“.
Стармер, кој инсистира на тоа секој договор за Украина да мора да вклучува безбедносни гаранции за западните сили да го надгледуваат спроведувањето на договорот, нагласи дека е клучно прекинот на огнот да не се покаже како привремено решение.
- Привремениот мир само ќе ѝ дозволи на Русија подоцна да се врати. Тоа веќе го правеа и претходно – и, без сомнение, ќе го сторат повторно, заклучи Стармер.
Иако имаше шпекулации дека Велика Британија може да распореди војници како дел од „коалицијата на посветените“, Лондон соопшти дека ќе испрати воени инструктори.
Во тек се преговори меѓу САД, Велика Британија и другите сојузници за формулирање на мировен план.
Ново на Сител
-
Истрага за семејно насилство во Батинци – тешко повреден маж, вмешани татко, син и малолетник
-
САД издадоа предупредување до своите граѓани ширум светот за зголемена закана по нивната безбедност
-
Кривична против жители на Марена поради сомнеж дека краделе кабел за фотоволтаици за струја
-
Aрсовска: Запознајте го Бујар Аземи, сопственик на 12-катницата во Чаир, изградена без проект, на диво приклучена на струја, без платени комуналии
-
ЈП Лајка: Пронајдено младо куче затворено во напуштен автомобил без вода и храна
-
Фрлил кесичка кокаин, уапсен 35-годишник во Охрид
-
Расправија во Чаир заврши со пукање во воздух
-
Уапсени петмина во Драчево, се степале и оштетиле прозорци на куќа и автомобил