ЦУК: Пожарот на градската депонија во Демир Хисар сè уште активен, но под контрола
Пожари на отворен простор во последното деноноќие имало вкупно шест, од кои активен сè уште е пожарот на градската депонија во Демир Хисар, но е под контрола, информира утрово Центарот за управување со кризи (ЦУК). Како што известил ЈКП Комуналец Демир Хисар, на гасење на пожарот од 13 часот интервенираат пет пожарникари и две противпожарни возила.
-Во гаснењето учествуваат и пет работници и една градежна машина од ЈКП Комуналец Демир Хисар, а побарана е дополнителна помош од приватен субјект со уште една градежна машина. Пожарот опфаќал горење автомобилски гуми и појава на густ црн чад. Пожарот засега е под контрола, нема проширување на останатиот дел од депонијата меѓутоа поради појава на ветер гаснењето е отежнато. Пожарот е се уште активен неговото гаснење ќе продолжи и во текот на денешниот ден, соопшти ЦУК.
Центарот информира дека во последното деноноќие имало вкупно 2317 повици на Единствениот повикувачки број за итни случаи 112, од коишто „реални“ повици биле 62,02 отсто, а останатите биле за други потреби на граѓаните што не биле итни. Од реалните повици, кон Полиција биле упатени 54,58 отсто, кон Итната медицинска помош 40,08 отсто и кон пожарникарите 3,63 отсто.
ЦУК информира дека за денеска е најавено минирање на Каменоломот во Говрлево во општина Сопиште, кој е во сопственост на Цементарница УСЈЕ. Минирањето ќе го изврши фирмата МАК-ДРИЛ од Кавадарци во периодот од 10 до 15 часот.
Ново на Сител
-
Македонската амбасада во Израел: Евакуација преку воздушен пат засега е невозможна
-
Гутереш: Американските напади врз три ирански нуклеарни објекти се опасна ескалација
-
Лице барано за извршување затворска казна правело хаос во хотел во Лазарополе
-
Приведен возач од Македонска Каменица, возел со 1,87 промили алкохол во крвта
-
Крушевчанец возел со 1,81 промили алкохол во крвта и без возачка дозвола
-
Иран вели дека го задржува правото на каков било одговор на „скандалозните“ американски напади
-
АХВ: Не издаваме никакви HACCP дозволи, туку само ја контролираме работата на операторите со храна
-
Трамп му се закани на Иран со нови напади ако не склучи мир