Ишиба: Јапонија бара праведност во економските преговори со САД
Јапонија ќе ја „нагласи праведноста“ во сите разговори со САД за девизните курсеви, изјави премиерот Шигеру Ишиба, додека претстојните билатерални трговски преговори предизвикуваат глобален интерес поради тарифите воведени од американскиот претседател Доналд Трамп, информираат новинските агенции.
Во обраќање на националната радиодифузна корпорација NHK, Ишиба посочи дека Токио би можел да набави повеќе енергетски суровини од САД и покажа подготвеност за компромис во однос на американските критики за нетарифни пречки на јапонскиот пазар на автомобили.
Трамп, кој ненајавено се приклучи на првата рунда од американско-јапонските преговори во средата и објави „голем напредок“, укажа дека сака разговорите да ги опфатат неговите тврдења дека Токио намерно ја обезвреднува својата валута за да им овозможи конкурентска предност на своите извозници.
Ишиба најави дека ќе се одржат детални разговори за монетарната политика помеѓу министрите за финансии Кацунобу Като и Скот Бесант.
„Ќе мораме да се справиме со ова прашање од перспектива на праведност“, изјави Ишиба одговарајќи на прашањето како Јапонија ќе реагира доколку САД побараат зголемување на вредноста на јенот.
Ново на Сител
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило
-
Уапсени двајца возачи, едниот возел со 1,90 промили алкохол, другиот со 1,60 промили алкохол во крвта
-
Јаневска: Воведување на вештачката интелигенција е следен чекор во процесот на дигитална трансформација на образовниот систем
-
Приведена бегалка од затвор, вратена е во КПУ Идризово