Зеленски предлага 30-дневно, наместо 30-часовно примирје, како што објави Русија
Украинскиот претседател Володимир Зеленски изјави дека Украина ќе го почитува велигденскиот прекин на огнот што претходно денеска го објави неговиот руски колега Владимир Путин, но само доколку Русија го стори истото. Тој во објава на платформата Х изрази желба прекинот на огнот да продолжи и по Велигден и во таа насока предложи 30-дневно примирје.
– Ако навистина дојде до целосен прекин на огнот, Украина предлага да се продолжи и по Велигден, 20 април. Тоа ќе ги открие вистинските намери на Русија – затоа што 30 часа се доволни за да се влезе во вестите, но не и за вистински мерки за градење доверба. Триесет дена може да му дадат шанса на мирот, вели Зеленски.
Посочува дека според извештаите на врховниот командант на украинските вооружени сили Олександр Сирски, руските офанзивни операции продолжуваат, а не стивнуваат ниту артилерските напади.
– Затоа, не им веруваме на зборовите на Москва. Премногу добро знаеме како Москва манипулира и подготвени сме на се, наведува Зеленски
Ново на Сител
-
ОЈО: Скопјанец осомничен за семејно насилство, предложен притвор
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило
-
Уапсени двајца возачи, едниот возел со 1,90 промили алкохол, другиот со 1,60 промили алкохол во крвта
-
Јаневска: Воведување на вештачката интелигенција е следен чекор во процесот на дигитална трансформација на образовниот систем