Рубио му пренел на Лавров дека САД можат да се откажат од мировен договор за Украина ако нема јасни знаци дека може да се постигне
САД треба да одлучат во рок од неколку дена дали договорот за прекин на огнот за ставање крај на војната во Украина е „остварлив“, изјави американскиот државен секретар Марко Рубио.
По вчерашните разговори во Париз со европски и украински претстваници за тригодишниот конфликт во Украина, Рубио истакна дека САД ќе престанат да се обидуваат да постигнат мировен договор доколку не се појават јасни знаци дека тој може да се постигне.
Посочи дека американскиот претседател Доналд Трамп сè уште е заинтересиран за договор, но има многу други приоритети ширум светот и дека е подготвен да продолжи понатаму, но само ако има знаци за напредок.
На разговорите во Париз за конфликтот во Укатрина беа вклучени францускиот претседател Емануел Макрон, специјалниот американски пратеник Стив Виткоф, британскиот министер за надворешни работи Дејвид Лами, германски официјални претставници и украински министри.
Нов состанок на претставниците на САД, Франција, Велика Британија, Германија и Украина ќе се одржи следната недела во Лондон.
Рубио по состаноците во Париз разговарал телефонски со рускиот министер за надворешни работи Сергеј Лавров.
Американскиот Стејт департмент соопшти дека Рубио му ја пренел на Лавров истата истата порака што американскиот тим им ја кажал и на украинската делегација и европските сојузници во Париз.
– Претседателот Трамп и САД сакаат оваа војна да заврши и им ги претставија на сите страни контурите на траен и траен мир. Охрабрувачкиот прием во Париз за рамката на САД покажува дека мирот е можен доколку сите страни се обврзат да постигнат договор, му рекол Рубио на својот руски колега.
Во соопштението од руското Министерство за надворешни работи, пак, се вели дека Лавров „ја потврди подготвеноста на Москва да продолжи со заедничките напори со американските колеги за сеопфатно решавање на основните причини за украинската криза“.
– Лавров и Рубио се согласија за потребата од одржување на „брзи канали за комуникација“, во светло на состанокот во Лондон следната недела, се вели во соопштението
Ново на Сител
-
СДСМ: Загрижува омразата на Мицкоски
-
Зеленски: САД пренасочија 20.000 ракети ветени за Украина кон Блискиот Исток
-
Фицо: Словачка ќе го блокира секој обид за воведување санкции од ЕУ кон Русија
-
Им подавам рака на младите, Македонија има потреба од нивниот ум за да стане подобра држава, порача Мицкоски
-
Литванскиот претседател со критики за германскиот канцелар за неактивност кон Русија
-
Американски медиуми: Припадници на гардата почнаа да пристигнуваат во Лос Анџелес
-
Министерот Муцунски утре во работна посета на Казхстан
-
Првата македонска фудбалска лига се намалува на 10 екипи