Странските студенти во САД масовно поднесуваат тужби против нивна депортација
Странските студенти во САД масовно поднесуваат тужби по судовите низ земјата за да спречат нивна депортација од имиграциските служби, откако администрацијата на претседателот Доналд Трамп неодамна почнала да им го укинува правото на престој во земјата, јавуваат дел од американските медиуми.
Судии во Масачусетс, Монтана, Пенсилванија, Висконсин и Вашингтон (округ Колумбија) неделава издале вонредни наредби со кои им се забранува на имиграциските власти да преземаат дејства против студентите, се дознава од извештаите.
Румејса Озтурк, турска студентка на постдипломски, неодамна среде бел ден беше задржана од службеници на имиграцијата облечени како цивили, а поради наводни критички ставови во однос на војната на Израел во Газа. Мохсен Махдави, лидер на студентските пропалестински протести во универзитет Колумбија во понеделникот беше уапсен во здание на имиграциската служба каде имал закажано да положи испит за добивање американско државјанство. Тие моментално се во притвор во Луизијана и чекаат можни одлуки за депортација што се оспоруваат на суд,
Над 600 странски студенти, професори и научни истражувачи во околу 90 американски универзитети останале без визи, јави „Си-Ен-Ен“, повикувајќи се на судски тужби и изјави од адвокати.
Во меѓувреме, Канадската асоцијација на универзитетски професори ги советуваше канадските научници да се воздржат од непотребни патувања во САД. Голема претпазливост се советува за научниците чии земји се во конфронтација со САД, и кои критички се изразувале за политиките на американската администрација и чии истражувања може да се сметаат за спротивни на ставовите на Белата куќа. За претпазливост се советуваат и оние чии патни документи содржат род различен од тој што им бил доделен при раѓање.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран