Судија ја суспендира одлуката на Трамп за укинување на правниот статус за 532.000 имигранти
Судија во Федералниот суд во Бостон ја блокираше одлуката на администрацијата на американскиот претседател Доналд Трамп да го одземе правниот статус на 532.000 имигранти од Куба, Хаити, Венецуела и Никарагва.
Одлуката на судијката Индира Талвани е најнова со која се оспорува притисокот на Трамп за брзи и масовни депортации кои конкретно ги таргетираат Латиноамериканците.
Администрацијата на Трамп на крајот на март објави крај на специјалната програма, која беше спроведена во 2023 година од претходната администрација на претседателот Џозеф Бајден.
Таа програма им овозможи на Кубанците, Хаиќаните, Никарагванците и Венецуелците да останат во САД две години поради состојбата со човековите права во нивните земји.
Програмата овозможи околу 532.000 мигранти да влезат во земјата, до максимално 30.000 месечно.
Судијата Талвани нареди итно прекинување на програмата. Таа рече дека владата постапила на основа на погрешно толкување на законот, имајќи предвид дека се забрзани процедурите за отстранување на недржавјаните кои влегле во САД илегално, но не и за оние што легално се во рамките на владините програми.
Без таа судска суспензија, мигрантите кои влегоа во САД во рамки на програмата ќе мораат да ја напушта земјата до 24 април, 30 дена по издавањето на наредбата со која таа се прекинува.
За време на неговата кампања, Трамп вети дека ќе депортира „милиони“ имигранти без документи.
Ново на Сител
-
Мицкоски: Состојбата во владината коалиција е одлична, ќе се случи средба со Таравари
-
Сите 80 општини поднеле апликации за реализација на проекти од вториот владин повик
-
Три лица се повредени при напад со остар предмет во кочанско
-
15-годишник со мотор удрил во малолетник
-
Две жени од Куманово нападнати од нивните партнери
-
Сопругата на глумецот Џорџ Клуни се соочува со забрана за влез во САД
-
Зголемена фреквенција на возила на Табановце, на останатите гранични премини нема подолги задржувања
-
Бројот на работници во индустријата намален за 3,9 проценти во првиот квартал