Ван Дајк: Мислам дека Ливерпул ќе биде способен да се бори за титулата и во годините што доаѓаат
Капитенот на Ливерпул, Вирџил ван Дајк, очекува големо лето на трансфер пазарот на Ливерпул, кој ќе бара засилувања по речиси сигурниот триумф во Премиер лигата. Успехот против Вест Хем, кој дојде со доцниот гол на Холанѓанецот, значи дека на тимот му требаат уште само 6 бода за да ја осигура титулата во Англија, со што ќе го израмнат рекордот на Манчестер Јунајтед од 20 титули.
Новиот двегодишен договор на Ван Дајк со Ливерпул се очекува да биде објавен кон крајот на оваа недела, по примерот на неговиот соиграч Мохамед Салах, кој во петокот објави дека ќе остане со „црвените“ уште две години.
- Мислам дека Ливерпул ќе биде способен да се бори за титулата и во годините што доаѓаат. Кои играчи и да заминат или да дојдат, мислам дека ќе биде големо лето. Мислам дека планираат такво лето и мораме да му веруваме на управниот одбор, рече Холанѓанецот, кој беше капитен на тимот по 100-ти пат против Вест Хем.
Да се биде успешен со Ливерпул поради културата на клубот, вели Ван Дајк, е дел од него самиот.
- Го сакам клубот, тоа е очигледно. Тоа е јасно од начинот на кој зборувам за Ливерпул, начинот на кој работам и секогаш ќе биде така. Ние сме на две победи, шест бода од славата. Знам што значи тоа за клубот и ќе го оствариме тоа, вети Вирџил ван Дајк.
Ново на Сител
-
Косовската претседателка Вјоса Османи доби смртна закана по електронска пошта
-
Заменик-министерот за земјоделство Фљакрон Беџети поднесе неотповиклива оставка
-
Анализа на дописникот на „Скај њуз“ од Москва: Украина и сојузниците ќе бидат разочарани и загрижени за исходот од разговорот меѓу Трамп и Путин
-
Бајден на Х: Ракот сите нè погодува
-
Трамп: Русија и Украина веднаш почнуваат преговори за завршување на војната
-
Путин по разговорот со Трамп: Подготвени сме за работа на меморандум со Украина, вклучувајќи и примирје
-
Папа Лав Четиринаесетти: Момент е за дијалог и градење мостови
-
Венс: Доколку Русија не сака да се вклучи во преговорите, САД ќе мора да кажат дека „ова не е нивна војна“