Олуките за продолжување на кризната состојба на јужната и северната граница на државата и на КПД Идризово поминаа на Комисијата за одбрана
Собраниската Комисија за одбрана и безбедност денеска на 14. седница ги проследи на натамошна постапка во Собранието, двете Предлог-одлуки за продолжување на рокот за постоење на кризна состојба на дел од територија на државата.
Едната предлог одлука се однесува на продолжување на рокот за постоење на кризна состојба на јужната и северната граница на државата (заради висок ризик од зголемен обем на влез и транзитирање на мигранти) до 31 декември годинава, додека втората се однесува на продолжување на рокот за постоење на кризна состојба на подрачјето на Општината Гази Баба на кое Казнено-поправната установа Казнено-поправен дом Идризово ја врши својата надлежност (заради спречување на безбедносните закани и зајакнување на обезбедувањето на установата) до 31 јули годинава.
Двете Предлог одлуки ќе почнат да се применуваат од 1 мај годинава.
По Предлог одлуката за продолжување на рокот за постоење на кризна состојба на дел од територија на државата беа усвоени два амандмани, од кои првиот се однесува на допрецизирање и усогласување со претходно донесената одлука на рокот за постоење на кризна состојба на дел од територијата на државата, а вториот заради правно-техничко допрецизирање на текстот на одредбата.
И за втората Предлог-одлука беа усвоени два амндмани - за допрецизирање и усогласување со претходно донесената одлука и заради правно-техничко допрецизирање на текстот на одредбата.
Ново на Сител
-
Буџетот на Србија во дефицит од 665 милиони евра
-
Си: Белорусија е вистински пријател на Кина
-
Соработката меѓу македонската и грчката полиција во фокусот на средбата Малиос – Јанев во Атина
-
Приведен 65-годишен скопјанец за поседување пиротехника без документација
-
Во Кисела Вода почна Skopje Street Food Festival – #Burgerology vol. 2
-
Камбовски: Разрешениот судија Енвер Беџети има право на жалба
-
Димитриеска-Кочоска - Славески: Ефикасна координција меѓу монетарната и фискалната политика за макроекономска стабилност
-
Андоновски: До 2035 година Македонија целосно дигитализирана