Муцунски: Проширувањето на ЕУ не е само економска и трговска неопходност, туку предуслов за политичка и безбедносна стабилност на целиот континент
Министерот за надворешни работи и надворешна трговија, Тимчо Муцунски, вчера и денеска учествува на Делфи Економскиот Форум што се одржува во Грција, каде се обрати на панел-дискусија на тема: „Дали ЕУ – САД алијансата е надвор од поправка?“
Како што соопшти Министерството за надворешни работи и надворешна трговија, министерот Муцунски се осврна на европската перспектива на земјите од Западен Балкан, важноста на регионалната соработка, стабилноста на регионот, стратешкото партнерство во рамките на НАТО, како и на соработката со САД и трансатлантската поврзаност.
Притоа, министерот Муцунски ја истакна важноста на регионалната поддршка, која особено се манифестираше по трагедијата во Кочани, упатувајќи искрена благодарност до Грција за покажаната солидарност и медицинска помош.
Министерот нагласи дека проширувањето на Европската Унија не е само економска и трговска неопходност, туку предуслов за политичка и безбедносна стабилност на целиот континент. Тој порача дека е неопходно да се обезбеди јасен и опиплив пат напред за регионот, кој ќе го врати кредибилитетот и ќе ги исполни очекувањата од процесот на европска интеграција.
Во однос на улогата на САД, Муцунски ја подвлече нивната клучна улога како инвеститор – не само во политичката и безбедносната, туку и во економската стабилност на регионот – истакнувајќи дека САД се меѓу највидливите и најсилните поддржувачи на процесот на проширување на Европската Унија.
Ново на Сител
-
Рубио: Првите разговори меѓу Украина и Русија не беа целосно губење време
-
Претседателката Силјановска Давкова за успехот на РК Алкалоид: Така се бранат македонските бои
-
Во Лондон денеска прв самит на Велика Британија и ЕУ по Брегзит
-
Лазаров по победата во Атина: Овие момци ја направија горда нацијата
-
Прв состанок на Националниот консултативен механизам за Реформската агенда
-
Предлогот за гувернер на Народната банка денеска во Собранието
-
На Бајден му е откриен рак на простатата кој метастазирал, но кој е чувствителен на третмани
-
На претседателските избори во Полска неочекуван успех на екстремната десница