Трамп: Гренланд во иднина може да биде дел од САД
Американскиот претседател Доналд Трамп денеска повтори дека Гренланд „можеби“ во иднина ќе биде дел од Соединетите Американски Држави.
Трамп, по состанокот со официјални лица во неговиот кабинет, изјави дека тоа е важно за националната безбедност на САД.
Премиерот на Гренланд во заминување Муте Егеде рече дека членовите на неговата привремена влада нема да се сретнат со американска делегација која планира да ја посети американската воена база на островот оваа недела. Егеде рече дека на Вашингтон му било кажано дека нема да има „преговори“ додека е тој на чело на привремената влада и додека не се формира нова влада на Гренланд по општите избори одржани на 11 март.
Јенс-Фредерик Нилсен, веројатно идниот премиер на Гренланд и лидер на демократите, централнодесничарската партија која победи на изборите, претходно ги критикуваше изјавите на Трамп за Гренланд како „несоодветни“.
Уша Венс, сопругата на американскиот потпретседател Џеј-Ди Венс, оваа недела ќе го посети Гренланд со нејзиниот син и американска делегација во која, како што потврди Егеде, ќе биде и советникот за национална безбедност на Белата куќа, Мајк Волц.
Ново на Сител
-
Скопјанец ја повредил својата четиригодишна ќерка, предложен притвор
-
Израел го отвори воздушниот простор по американските напади врз Иран
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле
-
Арагчи утре во Москва ќе се сретне со Путин
-
Три лица се претставувале како полициски служеници, па едниот од нив физички нападнал возач
-
Штипјанец под присила подигал брзи кредити, го продал својот мобилен телефон и крадел пари од својот татко