Акција во општина Карпош за проверка на хидрантската мрежа во зградите
Од Општина Карпош денеска соопштија дека ќе биде спроведена акција за проверка на хидрантската мрежа во зградите на територија на општината.
Како што информираат од општината сите заедници на станари на територија на општината треба во рок од седум дена да го известат општинскиот инспектор за домување за тоа дали во објектот има хидранти и противпожарни апарати и колку тие се исправни, како и колку станари знаат да ракуваат со нив.
- Поради трагичниот настан кој се случи во Кочани пред само три дена, Сектор Инспекторат ќе спроведе нова обновена акција во која ќе бидат проверени сите погоре наведени барања и ќе ги обнови податоците кои ги поседува. Се задолжуваат сите заедници на сопственици на територија на Општина Карпош, во рок од седум дена од денот на оваа објава да го известат Општинскиот инспектор за домување, писмено преку архива, со одговор на погоре поставените прашања. Исто така, се задолжува секој станар или претседател на Заедница на сопственици кој ќе воочи дека излезот од внатрешна страна до противпожарните скали е блокиран со било каква препрека или мебел, или пак е узурпиран со врата или градба, да го пријави тоа до Општинскиот инспектор за домување, за да се пристапи кон расчистување на излезните врати кон противпожарните скали. Истото се однесува и на надворешно блокирање на противпожарните скали, се наведува во соопштението од Општината.
Во зградите каде има управител, тој е должен преку меил да ги достави бараните информации за објектите со кои управува.
- За проверката на деловните објекти, ќе се спроведе посебна акција од повеќе инспектори, велат од Општината.
Ново на Сител
-
Аритон Ала е нов заменик-претседател на Судски совет на РСМ
-
Контроли во угостителски објекти во Куманово, изречени десет глоби
-
Почина тригодишно дете од Кавадарци
-
ЕК: Бугарија ги исполнува условите за влез во еврозоната од 1 јануари
-
Димитриеска-Кочоска: Проблемот околу инфлацијата е комплексен, работиме во континуитет и треба време да се среди
-
Во тек се преговорите со министерствата за ребалансот на буџетот, кој во Собрание треба да се најде најдоцна до 25 јуни
-
Вицепремиерот Стоилковиќ и турскиот амбасадор Улусој ги посетија подрачните училишта во Бучим и Тополница
-
Одложувањето на гласањето на предлог-извештајот во АФЕТ голема победа на македонската дипломатија, порачаа амбасадорите Боцевски и Јолевски