Рубио: Трамп и Путин ќе се сретнат само ако има напредок за крај на војната во Украина
Американскиот државен секретар Марко Рубио изјави дека можната средба меѓу претседателот на САД Доналд Трамп и рускиот претседател Владимир Путин „во голема мера ќе зависи од тоа дали ќе се постигне напредок во ставањето крај на војната во Украина“.
Рубио истакна дека ја разгледувал можноста за таква средба со рускиот министер за надворешни работи, Сергеј Лавров, за време на нивните разговори во Саудиска Арабија во вторникот.
– Нема да има средба додека не се договориме за што ќе разговараме, му рекол Рубио на Лавров во Ријад.
Тој објасни дека обично не се организираат вакви средби без претходно постигната основа за договор или барем јасни индиции дека може да се оствари напредок.
– Значи, мислам дека времето на оваа средба во голема мера ќе зависи од тоа дали ќе успееме да напредуваме во запирање на војната во Украина. Ако успееме, а оваа средба биде клучниот чекор за конечно решение, сите треба да го поздравиме фактот дека претседателот Трамп игра улога на мировен посредник, нагласи Рубио во интервју за новинарката Кетрин Херич, емитувано на социјалната мрежа Икс.
Ново на Сител
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле
-
Арагчи утре во Москва ќе се сретне со Путин
-
Три лица се претставувале како полициски служеници, па едниот од нив физички нападнал возач
-
Штипјанец под присила подигал брзи кредити, го продал својот мобилен телефон и крадел пари од својот татко
-
Министерството за здравство обезбеди 300 паркинг места во Лимак за вработените во Клинички
-
Македонската амбасада во Израел: Евакуација преку воздушен пат засега е невозможна
-
Гутереш: Американските напади врз три ирански нуклеарни објекти се опасна ескалација