Лазаров: Воопшто нема да го потцениме Бриксен, одиме на победа и на реваншот
Лидерот во македонската Суперлига, тимот на Алкалоид в сабота ќе го одигра реваншот со Бриксен во осминафиналето на ЕХФ Европскиот куп.
По убедливата победа (44:32) на првата средба во Италија, македонскиот претставник е речиси во четвртфиналето. Сепак, тренерот Кирил Лазаров бара од своите избраници максимален пристап и на реваншот и во ниту еден момент да нема потценување на ривалот.
– Неочекувана висока победа на првиот натпревар против квалитетен противник. Резултатот не е реален. До 50 минути беше само четири разлика. Воопшто нема да го потцениме противникот. Ќе влеземе на реваншот максимално сериозно и одиме на уште една победа. Сега во фокусот ни е само Бриксен, а потоа ќе размислуваме за дербито со Еурофарм Пелистер кое е само по два дена од дуелот со италијанскиот тим, изјави Лазаров на денешната прес-конференција.
Слично размислува и репрезентативецот Мартин Велковски.
– Не се екипа за потценување. Играат модерен ракомет. Сепак, ние сме поквалитетни и очекувам уште една победа во меч на кој исто како и на првата средба да има многу голови. Ја повикувам нашата публика да дојде да не бодри како и на секој натпревар до сега и заеднички да го прославиме пласманот во четвртфиналето.
Натпреварот Алкалоид – Бриксен ќе се игра в сабота (22 февруари) со почеток во 18 часот во салата „Автокоманда“ во Скопје.
Алкалоид има максимални пет победи на петте досегашни натпревари во ЕХФ Европскиот куп.
Ново на Сител
-
Македонските кикбоксери се враќаат со 5 европски злата, 2 сребра и 10 бронзи
-
Наполи нема победа четири натпревари по ред, Интер нов лидер во Серија А
-
Доминација на Норвешка на машкиот биатлон на последниот ден од СП
-
Фридрих Мерц триумфира на германските избори, подготвен за формирање влада
-
„Да се обединиме за победа“ – масовен протест за Украина во Париз
-
АфД по историскиот резултат: Подготвени сме да коалицираме за формирање влада
-
Излезни анкети: Конзервативците победници на германските избори – Мерц на пат да стане канцелар
-
Вонреден инспекциски надзор на реонот Смилковско Езеро и во Општина Сарај