Прилепското обвинителство чека извештај од полицијата за повредениот ученик
Прилепското основно јавно обвинителство во текот на денешниот ден треба да добие известување од полицијата за за случајот со повреденото 11 годишно дете кое падна од највисокиот, трет кат, од зградата на основното училиште „Гоце Делчев“ во Прилеп и се здоби со тешки повреди.
Според в.д. основниот јавен обвинител Лидија Салатоска Илиоска, овинителството претходно ѝ дало насоки на полицијата како да постапи и да ги извести.
- Од досегашните сознанија сметаме дека станува збор за несреќен случај, но на полицијата ѝ дадовме насоки да изврши разговори со медицинските лица кои интервенирале во случајот, со вработените од училиштето и со други лица. Во текот на денешниот ден ќе добиеме извештај од полицијата за да се знае како понатаму да се постапи, телефонски ни изјави основниот јавен обвинител Салатоска Илиоска.
Немилиот настан се случил во понеделникот, на 20 јануари вво 14,35 часот, на големиот одмор во попладневната смена. Од засега непознати причини, шестоодделенецот паднал од прозорецот на најгорниот, трет кат од училишната зграда. Веднаш била повикана Итна помош и лекарите го нашле детето на тлото во полусвесна состојба. На одделот за анестезија, првично биле констатирани скршеници на петиците на нозете и сомнеж за скршеници на прешлените. Ученикот се лекува на детска хирургија во Скопје.
Од училиштето известија дека станува збор за примерен, трудољубив, дружељубив одличен ученик и дека направиле сѐ за да помогнат.
Увид направи полицијата на местото на настанот.
Ново на Сител
-
Неколкумина повредени откако автомобил удри во група луѓе во Штутгарт
-
Затворска казна до три месеци или парична казна од 300 евра за паркирање приколки или кампери на јавни простори во Грција
-
Туристичкиот остров Бали остана без струја
-
Ирскиот регулатор за заштита на податоци го казни ТикТок со 530 милиони евра
-
Грег Попович се повлекува од функцијата тренер на Сан Антонио Спарс
-
Земјотрес од 7,4 степени според Рихтер ја погоди Аргентина, издадено предупредување за цунами
-
Трамп: Планирам да му го укинам на Харвард даночното ослободување
-
Принцот Хари ја изгуби правната битка со британската влада околу полициска заштита