Театрите и Филхармонијата со зголемен број претстави/концерти и посетители во 2023/2024

Бројот на изведени претстави во професионалните театри во 2023/2024 година е зголемен за 11,5 отсто во однос на претходната, 2022/2023 година, а зголемување за 3,1 отсто има и на бројот на посетители. 

Според податоците на Државниот завод за статистика, бројот на изведени претстави во професионалните театри за деца и млади во 2023/2024 е зголемен за 14,8 проценти во однос на 2022/2023 година, а исто така е зголемен и бројот на посетителите за 0,6 отсто.

Во аматерските театри, пак, е забележлив намален број - и на изведени претстави (за 36,5 отсто) и на посетители (за 46,7 отсто).

- Во периодот 2023/2024 година, бројот на посетителите на Филхармонијата е зголемен во однос на периодот 2022/2023 година. Кај професионалниот ансамбл за народни игри и песни, во периодот 2023/2024 година, во споредба со 2022/2023 година, е забележано намалување на бројот на самостојните приредби (концерти) и на бројот на посетителите, наведува ДЗС во објавата.