Ахмети се сретна со високите гости од Брисел и амбасадорот Орав
Претседателот на ДУИ Али Ахмети денеска беше на работен ручек со евроамбасадорот Аиво Орав и директорката за Западна Европа, Западен Балкан и Турција во Европската служба за надворешна политика, Анџелина Ерцхорст.
Ахмети и високите претставници на Брисел, како што е наведено во соопштението од ДУИ, разговарале за текот на политичките случувања во земјата, за меѓуетничките односи, за спроведувањето на обврските преземени, за ситуацијата во регионот и за евроатлантската интеграција.
Како што е наведено во соопштението, Ахмети проценил дека основните столбови на договор во Скопје веќе се спроведени, додека политичките партии треба да се посветат за исполнување на основните услови за спровдување фер и демократски избори.
ДУИ, ккао што се додава во соопштението, ќе се посвети за веродостоен, фер и демократски изборен процес во кој медиумите ќе бидат непристраси и граѓаните да гласаат слободно, без заплашување и без притисок.
Ерцхорст изразила благодарност од страна на Брисел за улогата на Ахмети и на ДУИ во решавањето на кризата, оценувајќи ја како храбро дејствување.
Соговорниците разговарале и околу значењето на меѓуетничките односи наспроти активностите кои се поврзани со злоупотребата на верските симболи за политички цели.
Ахмети нагласил дека изборите на 5-ти јуни ќе овозможат излез од политичката криза во земјата, силно враќање на политичката сцена во евроатланската агенда и фокусирање во решавањето на прашањата кои не држат далеку од интеграцијата во НАТО и ЕУ.
Ново на Сител
-
Приведен струмичкиот бизнисмен Ристо Крмзов
-
Најмалку 15 студенти загинаа во автобуска несреќа во Малезија
-
Нови цени на горивата
-
Путин ја одобри Стратегијата за развој на руската морнарица до 2050 година
-
Истрага против уште едно лице за пожарот во кочански “Пулс”
-
Израел ги уапси активистите од едрилицата „Медлин“, вклучувајќи ја и Грета Тунберг | ВИДЕО
-
Стапи во сила забраната на Трамп за влез во САД на државјани од 12 земји
-
Влада: Телефонскиот број 070/355-526 е во функција, Пониква станува центар за рехабилитација за повредените