Роналдињо стана косопственик на американски клуб
Легендата на Бразил и светскиот фудбал, Роналдињо стана косопственик, поточно акционер, на американскиот фудбалски клуб Гринвил Триумф. Клубот од Јужна Каролина е основан во 2018 година и се натпреварува во третата американска лига.
Роналдињо го потпиша договорот на Њујоршката берза во средата и беше претставен како акционер на Гринвил Триумф.
-Ова е можност за мене и нашата група да го поддржиме развојот на фудбалот, како и да бидеме дел од заедницата која го цени меѓународното присуство и уникатен микс на култури, рече Роналдињо во таа прилика.
Славниот 44-годишен Бразилец ги закачи копачките во 2018 година, а во својата богата кариера играше за Гремио, Пари Сен Жермен, Барселона, Милан, Фламенго, Атлетико Минеиро, Керетаро и Флуминенсе.
Најголемиот клупски успех го постигна во дресот на Барселона, со која меѓу другото ја освои Лигата на шампионите во 2006 година.
Тој беше светски шампион со Бразил во 2002 година. Жолтиот дрес ја носеше 97 пати и постигна 33 гола.
Ново на Сител
-
Македонија загуби од Финска на отворањето на Златната лига 2025
-
Путин потпиша закон со кој се казнува продажба на енергетски пијалоци на деца
-
Тешка несреќа на патот Скопје-Тетово загина 19-годишна девојка и 3 лица се повредени
-
На српските навивачи нема да им биде дозволено да присуствуваат на натпреварот со Албанија
-
Приведени три лица во Тетово и Гостивар затоа што управувале возила под дејство на алкохол
-
Најтежок руски напад врз градот од почетокот на војната
-
Ана Брнабиќ: Со усвојување три медиумски закони, Србија ќе добие закони целосно усогласени со оние на ЕУ
-
Утре топло со температура до 38 степени