Стано: Последните еднострани акции на Приштина на север ризикуваат натамошна ескалација
Портпаролот на ЕУ, Петер Стано, по повод вчерашниот упад на косовската полиција во зградите на „Привремените органи на Владата на Србија во општините на северот на Косово и Метохија“, изјави дека последните еднострани и некоординирани чекори на властите во Приштина на северот ризикуваат натамошна ескалација, јави дописникот на МИА од Белград
Стано на мрежата Х ја сподели изјавата на Делегацијата на ЕУ во Приштина, во која се посочува дека ЕУ е разочарана од континуираната некоординација на Приштина со меѓународните партнери, како и дека акцијата на косовската полиција против канцелариите кои се поддржани од Србија во Северна Митровица, Звечан, Зубин Поток и Лепосавиќ ја загрозува кревката безбедносна ситуација на теренот.
Како што се наведува во соопштението на делегацијата на ЕУ во Приштина, ЕУЛЕКС веднаш добил задача да го надгледува извршувањето на оваа операција, која не била координирана со ЕУ и меѓународните партнери.
Делегацијата на ЕУ во Приштина потсетува дека Приштина се обврзала на деескалација, како и дека Унијата постојано ја повикува Приштина да избегнува какви било дејствија што може негативно да влијаат на безбедноста на луѓето на теренот, но дека Приштина ги игнорира тие повици.
-ЕУ сака да повтори дека сегашната полициска операција против канцелариите поддржани од Србија може да доведе до понатамошна ескалација на и онака нестабилната ситуација, се вели во соопштението, во кое се додава дека прашањето за канцелариите поддржани од Србија се очекува да се реши во рамките на дијалогот што го води ЕУ.
Ново на Сител
-
Косовската претседателка Вјоса Османи доби смртна закана по електронска пошта
-
Заменик-министерот за земјоделство Фљакрон Беџети поднесе неотповиклива оставка
-
Анализа на дописникот на „Скај њуз“ од Москва: Украина и сојузниците ќе бидат разочарани и загрижени за исходот од разговорот меѓу Трамп и Путин
-
Бајден на Х: Ракот сите нè погодува
-
Трамп: Русија и Украина веднаш почнуваат преговори за завршување на војната
-
Путин по разговорот со Трамп: Подготвени сме за работа на меморандум со Украина, вклучувајќи и примирје
-
Папа Лав Четиринаесетти: Момент е за дијалог и градење мостови
-
Венс: Доколку Русија не сака да се вклучи во преговорите, САД ќе мора да кажат дека „ова не е нивна војна“