Лавров: Целта на Израел да го елиминира Хамас не е реална
Рускиот министер за надворешни работи Сергеј Лавров денеска изјави дека уништувањето на Хамас е нереална цел за Израел.
Зборувајќи со новинарите за време на посетата на Малезија, Лавров рече дека „на крвопролевањето во Газа не му се гледа крајот“.
„Израел преку Нетанјаху вели дека војната нема да заврши додека Хамас целосно не се искорени. Според мене и многу мои партнери, тоа е нереална мисија. Хамас продолжува да постои и има доволно способности и поддршка, вклучително и во муслиманскиот свет“, рече Лавров.
Рускиот министер оцени и дека „Израел го спречува постигнувањето договор за прекин на огнот во Газа“ и дека одредени земји се обидуваат да понудат компромиси. Тој смета дека е погрешно да се исклучат Палестинците од тие напори и најави продолжување на помошта за да се обнови палестинското единство.
Ново на Сител
-
Во Шпанија во прекин телефонската комуникација поради дефект
-
Минималните трошоци во мај зголемени за 1.217 денари, од ССМ бараат раст на платите
-
ВМРО-ДПМНЕ: Договорот со Обединетото Кралство ќе ја трансформира државата
-
Лишено од слобода едно лице од Неготино поради сомнение за „криумчарење мигранти“
-
Сиљановска-Давкова не го открива името на идниот гувернер, вели дека веќе знае кој ќе биде тој
-
Собранието ги констатира оставките на министерот Таравари и двајца заменици министри
-
Калас: Мораме да го засилиме притисокот врз Русија за да ја натераме да се согласи на мир
-
ЕУ воведува нов систем на гранциите - ќе важи и за македонските граѓани