Седум пожари на отворено изминатите 24 часа во државата
Седум пожари на отворено и неколку помали интервенции се регистрирани изминатото деноноќие и сите се изгаснати, соопштија од Центарот за управување со кризи (ЦУК).
Пожарникари интервенирале на опожарена дива депонија во општина Карпош. Горела сува трева кај болницата „Бардовци“. Опожарени биле сува трева и скелиња за тутун во Прилеп. Во општина Пехчево, кај село Негрево, месност „Каширска Чешма“, гореле нискостеблести растенија и млада борова шума. Во Штип се интервенирало на запалени ѓубриште, грмушки и сува трева. Во општина Старо Нагоричане гореле суви гранки, а во општината Ранковце, пожарникари интервенирале на опожарена мешана сечена шума.
Како што информираат од ЦУК, синоќа имало и потрага по исчезнато лице во општина Битола.
- Регионалниот ЦУК - Битола, информираше дека лице на 19 години од Горно Оризари е пријавено за исчезнато од страна на неговите родители во 20.30 часот. Пред полноќ, акцијата успешно завршила. Во 23.50 часот од полицајци, изгубеното лице е пронајдено, појаснуваат од ЦУК.
Изминатите 24 часа имало вкупно 2.091 повик на единствениот повикувачки број за итни случаи - 112 во ЦУК.
- Од нив, „реални“ повици - 65,52 отсто, а 34,48 проценти за други потреби на граѓаните, што не биле итни. Кон полицијата биле упатени 67,73 проценти, кон Итната медицинска помош -20,64 отсто, а кон пожарникарите - 6,10 проценти, од реалните повици, додаваат од ЦУК.
Ново на Сител
-
Министерот Мисајловски во Брисел на состанок на министри за одбрана на НАТО
-
Родителите на момчето од Кавадарци кое почина на пат кон скопските клиники бараат испитување на лекарска грешка
-
Зеленски предлага прекин на огнот додека не се сретне со Путин
-
Без вода утре неколку улици во Карпош
-
Супербогатите станаа уште побогати во 2024 година поради концентрацијата на капиталот
-
Сиљановска-Давкова ги прими акредитивите на новоименуваниот амбасадор на Јордан
-
Дебата во Собранието за намалување на процентот на репрезентативност на синдикатите во ЕСС
-
Регионалниот центар за гранични работи Исток расчисти случаи на кражба на огревно дрво и незаконски транспорт на дрва