ЦУК: Два пожара на отворено, пронајдено старо оружје
Пожарникарите во скопскиот регион изминатото деноноќие интервенирале на запалено ѓубре во општините Арачиново и Шуто Оризари. Од страна на Дирекцијата за заштита и спасување биле подигнати уште 32 стари пушки и една рачна граната од балканските војни на битолска територија, соопшти утрово Центарот за управување со кризи (ЦУК).
На локација каде се гради нов објект на Територијалната противпожарна единица - Битола во поранешната касарна, вчера биле подигнати уште 32 стари пушки и една рачна граната од балканските војни. Вкупно со претходните неколку денови, неделава, како што истакнуваат од ЦУК, на таа локација досега се пронајдени вкупно 2.871 пушка.
- Пренесени се во магацин и со нив ќе се постапува според стандардните безбедносни оперативни процедури предвидени за вакви случаи. Граѓаните, ако случајно пронајдат оружје, бомби, гранати и слични неексплодирани убојни средства, од безбедносен аспект за нив и околината, важно е да не ги фаќаат и да не ги поместуваат. Едноставно да ги пријават локацијата и виденото на 112 во ЦУК, за надлежните безбедно да ги отстранат и да ги неутрализираат, се наведува во соопштението.
Од ЦУК потсетуваат дека утре и задутре во раните утрински часови, планирано е да се реализира авионската дезинсекција на скопска територија.
- Ако временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истиот термин. Се известуваат пчеларите навремено да ги преземат потребните мерки за заштита на нивните пчели, се додава во соопштението.
Ново на Сител
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово
-
Премиерот Мицкоски ќе присуствува на официјалното отпочнување на надградба и реконструкција на граничниот премин Деве Баир
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции