Израелската полиција изврши рација во Ал Џезира во Ерусалим, одзеде опрема
Израелската полиција изврши рација во просториите на Ал Џезира во источен Ерусали, соопшти телевизијата.
Израелските безбедносни сили од просториите одземале опрема за емитување, вклучувајќи камери, микрофони, сервери, преносни компјутери.
Во меѓувреме, и сателитските и кабелските оператори ја укинаа Ал Џезира во Израел. На некои канали на кои досега се емитувала телевизијата стои порака „во согласност со владината одлука, укинато е емитувањето на Ал Џезира во Израел“.
Израелски министер објави видео од упадот на израелските инспектори во просториите на Ал Џезира.
Владата на израелскиот премиер Бенјамин Нетанјаху одлучи да ја укине работата на Ал Џезира во Израел додека трае војната во Газа, тврдејќи дека катарскиот медиум ја загрозува националната безбедност.
– Каналот Ал Џезира кој подбуцнува ќе биде затворен во Израел, напиша Нетанјаху на социјалните мрежи по едногласната одлука на владата.
Израелската Владата соопшти дека министерот за комуникации ја потпишал одлуката за „постапување веднаш“, но некои набљудувачи сметаат дека Ал Џезира може да се обиде да ја блокира оваа одлука на суд.
Шефот на Ал Џезира во Израел и палестинските територии ја нарече израелската одлука „опасна“ и нагласи дека е мотивирана од политика, а не од професионални причини. Правниот тим на Ал Џезира подготвува одговор, изјави Валид Омари.
Ал Џезира е финансирана од катарската влада, а медиумот многу ја критикува израелската воена операција во Газа, од која секојдневно известуваше. Израелскиот парламент минатиот месец го ратификуваше законот со кој се дозволува привремено суспендирање на странските медиуми кои се сметаат за закана за националната безбедност
Ново на Сител
-
Политичарите уживаат во мешана скара | Цветанка Арсоска и Весна Анчевска | Sitel Podcast 093
-
Од денеска со „Виз ер“ летови до Барселона и Лион
-
Најмалку седум загинати и 20 повредени во бомбардирање болница и аптека во Јужен Судан
-
Скопјанец ја убил сопругата, приведен на Табановце при обид за бегство
-
На граничните премини од македонска страна нема подолги задржувања за влез и излез од државата
-
Пpeд конклавата во Рим исполнети 90 отсто од сместувачките капацитети
-
Здравствената состојба на Вучиќ моментално е стабилна и задоволителна, тврди доктор Динчиќ
-
Николоски: За две и пол години од денеска ќе имаме автопат по сите прописи и стандарди