Меси се запиша во историјата на МЛС лигата – Гол и пет асистенции
Аргентинскиот фудбалер Лионел Меси (36) имаше нов одличен натпревар во дресот на Интер Мајами во МЛС лигата.
Интер Мајами триумфираше со 6:2 против Њујорк Ред Бул, а Меси, освојувачот на „Златната топка“ за 2023 година, запиша два рекорди во натпреварувањето.
Прв по број на асистенции во еден натпревар, и втор по бројот на асистенции+голови од страна на еден играч. Треба да се напомене и дека Аргентинецот постигна еден гол против Њујорк Ред Бул.
Она што е навистина импресивно е што на полувремето беше 0:1 (единствениот гол за гостите го постигна Ванзеир), а потоа започна гол серијата на Интер Мајами.
Рохас погодува во 48 минута за 1:1, а само две минути подоцна Меси на асистенција на Суарез постигнува гол за 2:1. На 3:1 зголеми Рохас во 62 минута, а потоа на сцена стапи Луис Суарез кој запиша хет-трик со погодоци во 69, 75 и 81 минута од натпреварот.
Гостите постигнаа уште еден гол од пенал во седмата минута од судиското надополнување преку Форсберг. Заедно со Суарез, Меси сега е водечки стрелец во американска МЛС лига со 10 гола, а воедно има и најголем број асистенции (12).
Ново на Сител
-
Изменет сообраќаен режим на булеварот „Србија“ поради снимање филм
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието