Вчера пријавени два различни случаи на физичко насилство на Бит Пазар

Во текот на вчерашниот ден, две лица биле нападнати на подрачјето на Бит Пазар.

,,На 18.04.2024 во 20.40 часот во СВР Скопје, Д.С.(24) од Скопје пријавил дека на 17.04.2024 околу 12.45 часот на подрачјето на Бит Пазар, по претходна расправија, бил физички нападнат од С.Р.(42), кој употребил и остар предмет и му нанел повреда. По целосно документирање на случајот ќе следува соодветен поднесок'' - соопштува МВР во врска со првиот случај.

Само еден час подоцна, во 21:40, во СВР Скопје било пријавено дека околу 20.30 часот на подрачјето на Бит Пазар Џ.Р.(27) бил физички нападнат од И.Р.(45), двајцата од Скопје, стои во денешниот билтен од Министерството.