УНИЦЕФ: Стапката на детска сиромаштија во Аргентина близу 70 проценти
Во првиот квартал од оваа година стапката на детска сиромаштија во Аргентина може да достигне 70 отсто, предупреди Детскиот фонд на Обединетите нации (УНИЦЕФ).
УНИЦЕФ наведува дека стапката на сиромаштија во оваа јужноамериканска земја рапидно расте, бидејќи на крајот на минатата година изнесувала 57 проценти.
Агенцијата наведува дека ваквата состојба е одраз на високата инфлација, слабеењето на економскиот раст и мерките за штедење во земјата.
УНИЦЕФ предупредува дека бројот на екстремно сиромашни луѓе во Аргентина може да се зголеми на 34 отсто од 19,4 на крајот на 2023 година и повика на поголеми трошоци за да се заштитат животите на децата.
-Доколку продолжат сегашните трендови, сиромаштијата кај децата и адолесцентите во првиот квартал од 2024 година би достигнала вредности од приближно 70 отсто, рече специјалистот за социјално вклучување и мониторинг на УНИЦЕФ, Себастијан Ваисграис.
Британските медиуми потсетуваат дека новиот десничарски претседател на Аргентина, Хавиер Мајли, се залага за мерки за штедење за да се смени длабокиот фискален дефицит, да се вратат резервите и да се стабилизира економијата, но тоа има влијание врз економскиот раст и зголемената сиромаштија.
-Свесни за фискалните ограничувања со кои се соочува земјата, УНИЦЕФ бара децата и адолесцентите да бидат приоритет, за да не се зголемува сиромаштијата дополнително, додаде Ваисграис
Ново на Сител
-
Собранието усвои десет предлог-закони со кои се доуредуваат надлежностите на Министерството за енергетика
-
Ацевски: И по 28 години немаме железничка пруга, а прашање е и колку изгубивме за 10 години додека се гради автопатот Кичево - Охрид
-
ЦУК: Владата и одобри на ДЗС да ангажира двајца пензионирани пилоти на Ер трактори
-
СДСМ: Пола милијарда кредит во четири очи, дали е ова цената на чувањето на Груевски на безбедно?
-
Собраниската Комисија за економски прашања поддржа десет предлог-закони со кои се доуредуваат надлежностите на Министерството за енергетика
-
Израел испраќа делегација во Каиро за понатамошни мировни преговори
-
Завршна декларација од Самитот на НАТО во Вашингтон: Непоколеблива посветеност на колективната одбрана
-
РЗС: Просечната возраст на населението во Србија е 43,9 години