ЦУК: Седум пожари на отворено и поплавени објекти во прилепско и битолско
Седум пожари на отворено се регистрирани во земјава во последното деноноќие, а пожарникарите паралелно гаснеле и пожари и во населени места, соопшти ЦУК. По еден пожар имало во Скопје и Велес, два во Куманово и три во Штип.
Во Прилепско и Битолско имало проблеми од големите завчерашни врнежи дожд, бидејќи за 24 часа наврнале 35 литри дожд. Регионалниот ЦУК Битола, известува дека по пријава добиена на бројот за итни повици 112 за поплавената куќа и дворно место во с. Пешталево вчера повторно е контактирана Општина Долнени од каде што одговориле дека интервенирале со градежна машина и дека повторно ќе интервенираат. Се работело за поплава од атмосферски води, поточно неможност да истекува по изградба на пат.
ЦУК апелира и потсетува, покрај тоа да не се пали вегетација на отворено и за редовно чистење на локалните одводни канали согласно нивниот план, да се чистат и одржуваат одводните канали во и надвор од населените места и секако да не се фрлаат отпадоци во каналите.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.
Ново на Сител
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле
-
Арагчи утре во Москва ќе се сретне со Путин
-
Три лица се претставувале како полициски служеници, па едниот од нив физички нападнал возач
-
Штипјанец под присила подигал брзи кредити, го продал својот мобилен телефон и крадел пари од својот татко
-
Министерството за здравство обезбеди 300 паркинг места во Лимак за вработените во Клинички
-
Македонската амбасада во Израел: Евакуација преку воздушен пат засега е невозможна