Фалсификувал потпис и префрлил имот од 30.000м2 на Косовец, кривична за тетовски нотар
СВР Тетово поднесе кривична пријава против 62-годишниот З.Ч. од Тетово поради постоење основи на сомнение за сторени кривични дела „злоупотреба на службената положба и овластување“, „несовесно работење во службата“ и „злоупотреба на лични податоци“ и против 52-годишниот Ш.А. од Тетово поради постоење основи на сомнение за „злоупотреба на лични податоци“, „фалсификување исправа“ и „давање лажен исказ“, извести МВР.
„Првопријавениот, на 28.10.2022, во својство на нотар, постапил несовесно при вршење на службата на начин што со злоупотреба на личните податоци на лице од Тетово овозможил во нотарската книга во графата за потписи да се потпише друго лице во нејзино име. Додека, второпријавениот злоупотребил лични податоци на оштетената и без нејзина согласност, во соработка со првопријавениот направиле фалсификувано полномошно во негова корист, по што дал лажен исказ и потпишал изјава заверена на нотар со што успеал недвижен имот од околу 30.000 м2 без знаење и согласност на оштетеното лице да го префрли на лице од Косово со спогодба за реализирање со посредник“, соопшти МВР.
Со ваквите дејствија предизвикана е материјална штета на лицето од Тетово од околу 150.000 евра.
Ново на Сител
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено