Претседателката на Уставниот суд и претставници од ИЧП во посета на Уставниот суд на Словенија
Претставници на Уставниот суд и на Институтот за човекови права остварија работна средба со претседателот на Уставниот суд на Република Словенија д-р Матеј Ацето и судиите д-р Шпелца Межнар и д-р Катја Шубман Стагс.
Претседателката на Уставниот суд Добрила Кацарска се интересираше за третманот на основните слободи и права од аспект на уставното судство, за улогата и постапката за поднесување на уставната жалба во Словенија.
Претседателот на Уставниот суд на Словенија, Ацето ги презентираше практичните аспекти на работата на Судот и ефектите од спроведувањето на уставната жалба. Генералниот секретар на Уставниот суд Себастијан Нерад ја прикажа практичната примена на заштитата на слободите и правата преку издвојување на неколку случаи кои биле одлучувани во изминатиот период.
Делегациите разменија искуства за остварување на човековите права и слободи пред Уставниот суд со акцент на влијанието на уставната жалба во подигнување на нивото на нивната заштита.
Оваа посета во Љубљана ја организираше Институтот за човекови права кој беше претставуван од Маргарита Цаца Николовска, поранешната судијка во Судот во Стразбур и меѓународна судијка во Судот во Босна и Херцеговина, поранешниот уставен Судија Игор Спировски како и учество на стручен кадар од ИЧП.
Посетата е дел од активностите на проектот „Уставниот суд – заштитник на човековите права“ финансиски поддржан од Германската Амбасада Скопје.
Посетата се реализираше на 27 и 28 ноември 2023 година.
Уставен суд
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница