Судењето на Додик одложено за 6 декември
Почетокот на судењето на претседателот на Република Српска, Милорад Додик, поради неспроведување на одлуките на високиот претставник во Босна и Херцеговина, кое беше најавено за среда, е одложено за 6 декември, потврди Судот на Босна и Херцеговина во вторникот.
Одбраната на Додик побара одложување на почетокот на судењето со образложение дека тој утре мора да отпатува за Унгарија. Тврдеа дека поканата за тоа патување ја добил пред рочиштето да биде закажано за 22 ноември, а судот го прифатил тоа образложение.
Додик и директорот на Службен весник на РС, Милош Лукиќ, се обвинети за кривично дело неисполнување на одлуките на високиот претставник на меѓународната заедница, за што, во случај на осуда, им се заканува казна која се движи од шест месеци до пет години затвор.
Виновната пресуда значи и автоматска забрана на должностите кои ги извршуваат.
Досегашниот висок претставник Кристијан Шмит на 1 јули воведе измени во кривичниот законик на БиХ, според кои ќе им се суди на Додик и Лукиќ, во исто време кога ги укина законите со кои парламентот на Република Српска се обиде да го блокира спроведувањето на неговите одлуки, како и на пресудата на Уставниот суд на БиХ.
Иако Шмит ги поништи спорните закони врз основа на неговите овластувања, Додик сепак го потпиша указот за нивно стапување во сила, а Лукиќ ги објави во Службен весник на субјектот, па и двајцата го прекршија законот.
И двајцата на прелиминарното рочиште во Судот на Босна и Херцеговина се изјаснија за невини, а нивната одбрана се заснова на тврдењето дека Шмит не бил легитимно избран висок претставник и покрај тоа што е избран според пропишаната процедура, па според нивното толкување, тој не можел ниту да наметне измени на кривичното дело.
Ново на Сител
-
Најмалку девет лица загинаа во самоубиствен бомбашки напад во црква во Дамаск
-
Рубио: Светот е побезбеден по американските напади врз Иран
-
На Богородица и Табановце од македонска страна се чека околу еден час
-
Скопјанец ја повредил својата четиригодишна ќерка, предложен притвор
-
Израел го отвори воздушниот простор по американските напади врз Иран
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле