Ердоган и Путин се договорија за скорешна посета на рускиот претседател на Турција
Турскиот претседател Реџеп Таип Ердоган се договори со неговиот руски колега Владимир Путин за скорешна посета на рускиот претседател на Турција. Ова денеска го соопшти Дирекцијата за комуникации на турското претседателство по телефонскиот разговор меѓу двајцата лидери, јави турската државна телевизија ТРТ-Хабер.
Претседателот Ердоган денеска имаше телефонски разговор со рускиот претседател Путин. Во текот на разговорот, лидерите постигнаа согласност по прашањето за посетата на Путин на Турција, соопшти Дирекцијата за комуникации. Датумот на посетата не е наведен.
Од прес-службата на Кремљ потврдија дека во тек се подготовките за евентуална средба меѓу двајцата лидери.
Во телефонскиот разговор двајцата шефови на држави разговарале и за опциите за продолжување на договорот за извоз на жито од украинските пристаништа. Турскиот лидер посочи дека Турција ќе продолжи да вложува активни напори и да ја користи дипломатијата за да продолжи со функционирањето на таканаречениот договор за жито. Ердоган ја истакна важноста на црноморската иницијатива, која според него претставува „мост на мирот“, информира Дирекцијата за комуникации на турското претседателство, истакнува ТРТ-Хабер.
Минатиот месец Москва го прекина учеството во Договорот за жито.
Ново на Сител
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле
-
Арагчи утре во Москва ќе се сретне со Путин
-
Три лица се претставувале како полициски служеници, па едниот од нив физички нападнал возач
-
Штипјанец под присила подигал брзи кредити, го продал својот мобилен телефон и крадел пари од својот татко
-
Министерството за здравство обезбеди 300 паркинг места во Лимак за вработените во Клинички
-
Македонската амбасада во Израел: Евакуација преку воздушен пат засега е невозможна
-
Гутереш: Американските напади врз три ирански нуклеарни објекти се опасна ескалација