На изборите во Грција на 25 јуни ќе учествуваат 32 партии
Од 44 пријавени партии, на претстојните избори во Грција на 25 јуни, ќе учествуваат 32, кои ги исполнија соодветните критериуми и нивните кандидатури беа одобрени од Врховниот суд, додека пак осудениот поранешен пратеник од Златна зора, Илиас Касидиарис повторно не доби зелено светло, јави дописничката на МИА од Атина.
Врховниот суд на Грција, кој е надлежен да ги разгледа доставените кандидатури соопшти дека на изборите ќе учествуваат 26 партии, четири коалиции и два самостојни и независни кандидати.
Меѓу 12-те одбиени кандидатури беше и коалицијата на независни кандидати „Грци за татковината и слободата“ во која учествуваше Касидиарис.
Поранешен пратеник од Златна зора, кој издржува затворска казна на минатите избори се кандидираше со неговата партија, но и тогаш не доби зелено светло, а сега повторно беше отфрлена неговата кандидатура преку новоформираната коалиција.
Одлуката е согласно изгласаниот закон и дополнителен амандман во грчкиот Парламент со кои се предвидува забрана за учеството на изборите на партија чиј претседател, генерален секретар или вистински лидер е осуден за криминално дело.
Касидиарис, кој моментално е во затвор, во периодот од 2012 до 2019 година беше пратеник од Златна зора, а во октомври 2020 година беше осуден на затворска казна од 13 година и шест месеци поради формирање криминална организација.
На претходните парламентарни избори одржани на 21 мај учествуваа 36 партии, а пет од нив го поминаа изборниот праг од три отсто и обезбедија место во Парламентот.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран