Објавени јавни повици за субвенции за микро, мали и средни компании за занаетчии и за дигитализација за женско претприемништво
Министерството за економија објави три јавни повици за субвенции за микро, мали и средни компании за занаетчии и за дигитализација за женско претприемништво. Како што објави на својот фејсбук профил министерот за економија Крешник Бектеши, со јавниот повик за субвенционирање на микро, мали и средни претпријатија ќе се кофинансираат 40 проценти од докажаните трошоци направени за набавка на машини, но не повеќе од 250.000 денари по барател. За оваа мерка се предвидени средства во вкупен износ од 43.000.000 денари.
- Субвенционирани ќе бидат докажаните трошоци за набавка на машини настанати во 2022 и 2023 година. Со јавниот повик за субвенционирање на занаетчии ќе се кофинансираат 40 проценти од докажаните трошоци направени зa набавка на машини и алати, но не повеќе од 100.000 денари по барател.За оваа мерка предвидени се средства во вкупен износ од 5.000.000 денари. Субвенционирани ќе бидат докажаните трошоци за набавка на машини и алати настанати во 2022 и 2023 година. Со јавниот повик за субвенционирање на женско претприемништво за дигитализација на деловни процеси се субвенционираат претпријатија во сопственост на жени (над 50 проценти) и управувани од жени, кои вработуваат најмалку две лица (сопственичката на претпријатието и еден вработен), преку кофинансирање на 40 проценти од докажаните трошоци, но не повеќе од 100.000 денари по барател, направени за: развој или набавка на дигитални решенија и технологии со цел дигитална трансформација на деловните процеси или производство и/или имплементација, адаптација и интеграција на дигитални решенија и технологии, се појаснува во соопштението од Министерството за економија.
За оваа мерка, се подвлекува, предвидени се средства во вкупен износ од 2.000.000 денари. Субвенционирани ќе бидат докажаните трошоци за предвидените намени настанати во 2022 и 2023 година. Крајниот рок за аплицирање по овие јавни повици е до 30.06.2023 година.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран