Мурињо: За Севиља финалето во Лига Европа е вообичаена работа, за Рома е нешто извонредно
Тренерот на Рома, Жозе Мурињо ги искажа своите очекувања за вечерашното финале со Севилја во Лигата на Европа.
- Поминавме долг пат, за разлика од нашиот противник кој дојде овде од Лигата на шампионите. Поминавме 14 натпревари за да бидеме тука и секако го заслуживме финалето. Нашето време доаѓа. Би рекол дека историјата не навлегува на терен, иако колегата мисли поинаку. Севилја верува дека традицијата им дава предност и ние тоа го почитуваме. Но, заслуживме пласман во финалето. За нив финалето во Лига Европа е вообичаена работа, за нас е нешто извонредно. За нив финале во европските купови е како лигашки натпревар, за нас тоа е историски настан, изјави Мурињо.
Последниот натпревар за сезоната 2022/23 во второто по квалитет фудбалско натпреварување во Европа ќе се игра вечер од 21 часот на „Пушкаш Арена“ во Будимпешта.
Победникот на Лигата Европа ќе избори право на настап следната сезона во Лигата на шампионите.
Севилја е најтрофеен тим во ова натпреварување со шест титули, Рома нема ниту една.
Ново на Сител
-
Македонската амбасада во Израел: Евакуација преку воздушен пат засега е невозможна
-
Гутереш: Американските напади врз три ирански нуклеарни објекти се опасна ескалација
-
Лице барано за извршување затворска казна правело хаос во хотел во Лазарополе
-
Приведен возач од Македонска Каменица, возел со 1,87 промили алкохол во крвта
-
Крушевчанец возел со 1,81 промили алкохол во крвта и без возачка дозвола
-
Иран вели дека го задржува правото на каков било одговор на „скандалозните“ американски напади
-
АХВ: Не издаваме никакви HACCP дозволи, туку само ја контролираме работата на операторите со храна
-
Трамп му се закани на Иран со нови напади ако не склучи мир