Исчезнат е Киро Пупуноски

Изгубен е Киро Пупуноски на 64-годишна возраст од Крушево.

Како што информираат од семејството исчезнатото лице боледува од деменција. Носи очила, а на денот на исчезнувањето бил облечен во црна блуза и црни тренерки со бели линии.

Веќе трет ден трае потрагата по исчезнатиот крушевчанец во која се вклучија и од Центарот за управување со кризи.

„Акцијата за пронаоѓање на исчезнато лице од градот Крушево на возраст од 64 година и денеска продолжува

Акцијата за пронаоѓање на исчезнато лице од градот Крушево на возраст од 64 година со нарушено психичко здравје и денеска продолжува, со проширувањето на периметарот на трагање и вклучување на повеќе луѓе. Во акцијата учествуваат 30 полициски службеници од ОВР Крушево, 4 лица од единиците за брзи интервенеции од ДЗС, една екипа од МВР со куче трагач и се очекува пристигнување на хеликоптерот од МВР, РЦУК Крушево со тројца вработени, а истовремено се ангажирани уште едно куче трагач од страна на семејството, ловното друштво ЕЛЕН со околу 60 ловџии кои трагаат на терен на различни локации, двочлена екипа од Шумска полиција со едно возило и околу 50-тина граѓани доброволци. Се пребаруваат сите околни места, шумските појаси, низинските места и селските населени места. Регионалниот центар за управување со кризи РЦУК Крушево е во координација со сите екипи од институциите и редовно добива информации.

Инаку, потрагата трае во континуитет од самото пријавување во МВР, од 14:45 часот во Полициската станица (ПС) Крушево во четвртокот (22.12.2022 година). Во акцијата вчера учествувале 14 полициски службеници од ОВР Крушево, 3 лица од единиците за брзи интервенеции од ДЗС, една екипа со куче трагач и еден хеликоптер од МВР, ловно друштво „Елен“ со 15 ловџии, екипа од Шумска полиција и околу 50-тина граѓани доброволци. Се пребарувале сите околни места, шумските појаси, низинските места и селските населени места. Потрагата во вечерните часови продолжила во градот, населените места (колиби, напуштени куќи, штали) и слични места. Полицискиот хеликоптерот што трагаше беше повлечен вчера во 16:00 часот. Денеска од 07:00 часот се трагата кон шумските појаси и тоа кон с. Бирино и манастирот Свети Спас“. - стои во соопштението на ЦУК.