Се разгледуваат можностите како да им се помогне на производителите на основните прехранбени продукти
Се разгледуваат опциите како производителите на основните прехранбени продукти да имаат пониска регулирана цена за да се намалат финалните цени на крајните производи, но и како да им се излезе во пресрет на јавните комунални претрријатија, соопшти министерот за економија Крешник Бектеши.
Според него, министерот за финансии Фатмир Бесими до крајот на оваа или почетокот на идната недела најверојатно ќе ги презнетира мерките за ранливите категории граѓани.
-Мерките се таргетирани, посебно за ранливите категории граѓани. Вчера на Економскиот совет разговаравме во детали за да не биде се на товар на Буџетот и мерките ќе бидат објавени. Најавивме дека училиштата ќе се префрлат на регулираниот пазар и дека болниците ќе бидат поддржани од ЕСМ продажба. Сега се прават анализи за јавните комунални претпријатија и тие се при крај. Се дизајнира методологијата и се бара начин како ќе им излеземе во пресрет, но ќе има механизам, истакна министерот во вечерашното гостување на ТВ Сител.
Во врска со топлинската енергија, Бектеши уште еднаш повтори дека парно ќе има, а за октомври се обезбедени потребните количини природен гас. Идната недела или кон средината на месецов, додаде, ќе има понуди и за ноември, а цените ќе бидат за 300 до 350 евра пониски.
Како што објасни Бектеши, Чаир и Бутел изминативе три дена имаат парно зашто топланата Север има природен гас од претходната грејна сеозна во складиштата.
-Сепак, немам информација дека обезбедиле природен гас од 15 октомври натаму, рече министерот.
Тој оцени и дека од 1 јануари притисокот на зголемување на цената на топлинската енергија ќе биде помал.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување