Борел на неформална средба со регионалните лидери од Западен Балкан
Високиот претставник за надворешна политика и безбедност и потпретседател на Европската комисија, Жосеп Борел, вчера беше домаќин на неформален ручек со лидерите од Западен Балкан, на маргините на Генералното собрание на Обединетите нации.
Овие неформални собири се одржуваат двапати годишно во Брисел и Њујорк и служат како неформална можност за размена на мислења за предизвиците во регионот и за европската иднина на регионот, соопшти ЕУ. Вчерашната дискусија била фокусирана на глобалното и регионалното влијание на илегалната и неиспровоцирана војна на Русија против Украина.
Високиот претставник Борел и лидерите од Западен Балкан разговараа како заеднички да се решат штетните последици од оваа војна врз цените на храната и енергијата и врз стабилноста и безбедноста во Европа и на глобално ниво. Борел ја истакна поддршката што ЕУ ја дава на Западен Балкан за зајакнување на енергетската безбедност и за справување со хибридните закани, вклучително и за кибер и странски манипулации со информации и мешање, се вели во соопштението.
ЕУ и Западен Балкан ќе продолжат да стојат заедно во соочувањето со предизвиците што неиспровоцираната војна на Русија против Украина ги наметнува на глобално ниво. ЕУ целосно го поврзува Западен Балкан со своите иницијативи за ублажување на влијанијата од војната.
Ново на Сител
-
Повторно достапни закажувањата за термин за нова лична карта, возачка дозвола и пасош
-
Лавров: Учеството на севернокорејските војници во Курскиот регион го покажува непобедливото братство со Русија
-
Сиљановска-Давкова ќе се обрати и ќе го прогласи за отворено 65. „Охридско лето“
-
Русија во текот на ноќта жестоко ја нападна западна Украина со дронови и ракети
-
Работна посета на албанскиот претседател Бајрам Бегај во земјава
-
САД му воведе визни ограничувања на кубанскиот претседател за неговата улога во „бруталноста на режимот“
-
Авионот на „Ер Индија“ се урна заради исклучен доток на гориво во моторите, покажува прелиминарниот извештај за несреќата
-
Ѓоковиќ: Едноставно тоа се годините, телото е истрошено...